ஏரியில் மணல் கடத்தல்.. டிராக்டருடன் ஒருவர் கைது

தொட்டியம் காவல் நிலைய எல்லைக்குட்பட்ட கொளக்குடி கிராமத்தில் உள்ள ஏரியில் மணல் கடத்தல் நடைபெறுவதாக கிராம நிர்வாக அலுவலர் அசோக் குமார் அவர்கள் அளித்த புகாரின் பேரில் தொட்டியம் போலீசார் சோதனை மேற்கொண்டனர்.
அப்போது அங்கு கொளகுடியைச் சேர்ந்த சந்திரன் என்பவர் டிராக்டரில் மணல் கடத்தி வந்தது தெரிய வந்தது. இதை அடுத்து மனலுடன் கூடிய டிராக்டரை பறிமுதல் செய்த போலீசார் சந்திரனை கைது செய்து விசாரணை நடத்தி வருகின்றனர்.