கொடிக்கம்பங்களை அகற்றியபோது விபத்து போக்குவரத்து பாதிப்பு

மண்ணச்சநல்லூர் எம்எல்எ கதிரவன் இல்ல திருமண விழாவில் தேசிய நெடுஞ்சாலையில் கொடி கம்பங்களை எவ்வித தடுப்பு நடவடிக்கை இல்லாமல் டாட்டா ஏசி வாகன மூலம் அகற்றியபோது லாரி மோதி விபத்து திருச்சி சென்னை தேசிய நெடுஞ்சாலையில் போக்குவரத்து பாதிப்பு.

திருச்சி மாவட்டம் சமயபுரம் சுங்கச்சாவடி அருகே உள்ள தனலட்சுமி சீனிவாசன் கல்லூரியில் மண்ணச்சநல்லூர் சட்டமன்ற உறுப்பினரின் மகளின் திருமணம் வெகு விமர்சையாக நடைபெற்றது.

இந்த திருமண விழாவிற்காக திருச்சி - சென்னை தேசிய நெடுஞ்சாலையில் சுமார் 20 கிலோ மீட்டர் தொலைவிற்கு சாலையின் இரு புறங்களிலும் திமுக கொடிகள் இரும்பு கம்பியை ஊன்றி கட்டப்பட்டிருந்தது திருமணம் முடிந்த நிலையில் கொடிகளை அகற்றுவதற்காக பணியாளர்கள் பணியில் ஈடுபட்டிருந்தனர் இதற்காக திருச்சி சென்னை தேசிய நெடுஞ்சாலையில் டாட்டா ஏசி வாகன மூலம் கொடிக்கம்பங்களை எந்தவித தடுப்பு நடவடிக்கையும் இல்லாமல் அகற்றிக் கொண்டிருந்தனர். அப்போது திருச்சி நோக்கி சென்ற லாரி டாட்டா ஏசி மீது மோதி விபத்துக்குள்ளானது. இதில் டாட்டா ஏசி வாகனம் கவிழ்ந்து வாகனத்திலிருந்து கம்பிகள் சாலையின் நடுவே கொட்டியது. இந்த விபத்தினால் திருச்சி - சென்னை தேசிய நெடுஞ்சாலையில் சுமார் 2 மணி நேரத்திற்கு மேலாக போக்குவரத்து பாதிக்கப்பட்டது.