அரசுபள்ளி மாணவர்களுக்கு தன்னம்பிக்கை விழிப்புணர்வு நிகழ்ச்சி

திருத்துறைப்பூண்டி அருகே கட்டிமேடு கிராமத்தில் உள்ள அரசு மேல்நிலைப் பள்ளியில் மருத்துவ துறை சார்பில் மாணவர் மாணவியருக்கான தன்னம்பிக்கை நிகழ்ச்சி நடைபெற்றது. பள்ளியின் தலைமை ஆசிரியர் பாலு தலைமை வகித்தார். ஆசிரியர் முகுந்தன் வரவேற்றார்.

ஆலத்தம்பாடி அரசு ஆரம்ப சுகாதார நிலைய மருத்துவர் திருப்புகழ் செல்வம் கலந்து கொண்டு பேசுவையில் மாணவர்களுக்கு நேர்மறை எண்ணங்களையும் ஒழுக்கத்தையும் கற்றுத் தருவது பள்ளிகளே ஒவ்வொரு மாணவருக்கும் ஒரு பொறுப்பு உண்டு, கல்வி என்பது மாணவர்களின் உடல் மற்றும் வன வளர்ச்சியில் முக்கிய பங்கு வகிக்கிறது என்றும் அவர் தெரிவித்தார். நிகழ்ச்சியில் பள்ளியின் நிர்வாகிகள் மாணவர்கள் மருத்துவர்கள் செவிலியர்கள் பங்கேற்றனர்.