தாய்ப்பால் கொடுத்தபோது மூச்சு திணறி பச்சிளம் குழந்தை பலி

திருத்தணி சாய்பாபா நகரைச் சேர்ந்த பிரித்விராஜ் சுவாதி தம்பதியின் 62 நாட்களான பெண் குழந்தை தாய்ப்பால் கொடுத்த போது மூச்சு திணறி பச்சளம் குழந்தை இறந்த சம்பவம் சோகத்தை ஏற்படுத்தியது.





திருவள்ளூர் மாவட்டம் திருத்தணி சாய்பாபா நகரை சேர்ந்தவர் பிருத்விராஜ் -சுவாதி தம்பதிக்கு ஒன்றரை வயதில் ஆண் குழந்தை மற்றும் 62 நாட்களுக்கு முன்பு பெண் குழந்தை பிறந்துள்ளது. குழந்தைக்கு இன்னும் பெயர் வைக்கவில்லை. பச்சிளம் குழந்தைக்கு இரவு தாய்ப்பால் கொடுத்த போது மூச்சு திணறி குழந்தை அசைவற்ற நிலையில் இருந்துள்ளது. சுமார் 2 மணி நேரம் அக்குழந்தை வீட்டில் வைத்து பார்த்துள்ளனர். இருப்பினும் குழந்தை அசைவற்ற நிலையில் இருந்ததால் திருத்தணி அரசு மருத்துவமனைக்கு கொண்டு சென்றனர். குழந்தையை பரிசோதித்த மருத்துவர்கள் குழந்தை ஏற்கனவே இறந்ததை உறுதிப்படுத்தினர். தாய்ப்பால் கொடுத்தபோது மூச்சுத்திணறி 62 நாட்களான பச்சிளம் குழந்தை இறந்து சம்பவம் சோகத்தை ஏற்படுத்தியது.