ராதாபுரம் கால்வாயில் தண்ணீர் திறப்பு; விவசாயிகள் மகிழ்ச்சி

நெல்லை மாவட்டம் ராதாபுரம் கால்வாயில் ஆண்டுதோறும் ஜூன் 15ஆம் தேதி தண்ணீர் திறக்கப்படும். தோவாளை கால்வாயில் உடைப்பு ஏற்பட்டதால் அவை சரி செய்யப்பட்டு இன்று தோவாளை கால்வாய் நிலப்பாறை என்ற இடத்திலிருந்து ராதாபுரம் கால்வாய்க்கு தண்ணீர் திறக்கப்பட்டது. சபாநாயகர் அப்பாவு தண்ணீரை திறந்து வைத்தார். இதன் மூலம் ராதாபுரம் தாலுகாவில் உள்ள 52 குளங்கள் மூலம் 17, 000 ஏக்கர் விவசாய நிலம் பாசன வசதி பெறும்.