ராம் சரணுக்கு டாக்டர் பட்டம் வழங்கிய வேல்ஸ் பல்கலைக் கழகம்!

தெலுங்கு சூப்பர் ஸ்டார் ராம் சரணுக்கு சென்னை வேல்ஸ் பல்கலைக்கழகம் கவுரவ டாக்டர் பட்டம் வழங்கி கவுரவித்தது. இன்று நடைபெறும் பல்கலைக்கழக பட்டமளிப்பு விழாவில் ராம் சரண் தலைமை விருந்தினராக கலந்து கொள்வார் என தகவல்கள் தெரிவிக்கின்றன. இந்த விழாவில் அவருக்கு டாக்டர் பட்டமும் வழங்கப்படவுள்ளது. எஸ்.எஸ்.ராஜமௌலியின் 'ஆர்ஆர்ஆர்' திரைப்படம் உலக அளவில் ஹிட் ஆன பிறகு, ராம் சரண் 'குளோபல் ஸ்டார்' அளவிற்கு உயர்ந்தார். இப்படம் ஆஸ்கார் விருதையும் கோல்டன் குளோப் விருதையும் வென்றது. இதைத் தொடர்ந்து பல்கலைக்கழகம் அவருக்கு டாக்டர் பட்டம் வழங்கி கவுரவிக்கிறது. திரையுலகில் அவர் ஆற்றிய பங்களிப்பிற்காகவும் இந்த கவுரவம் வழங்கப்படுகிறது.

இதற்கிடையில் ஷங்கரின் கேம் சேஞ்சர் ராம் சரணின் அடுத்த படமாகும். இப்படத்தை ஸ்ரீ வெங்கடேஸ்வரா கிரியேஷன்ஸ் பேனரில் தில் ராஜு தயாரித்துள்ளார்.