தண்ணீருக்கு அடுத்தபடியாக அதிகம் பருகப்படும் பானம்

உலகளவில் தண்ணீருக்கு அடுத்த படியாக உலகமக்களால் அதிகம் பருகப்படும் பானமாக தேநீர் உள்ளது. சில நாடுகளில் பால் கலந்த தேநீராகவும், சில நாடுகளில் பால் கலப்பு இல்லாத தேநீராகவும் சுவைக்கப்படுகிறது. கிமு 2737-ம் ஆண்டில் சீனாவின் பேரரசராக இருந்த ஷென்னோங், தேநீரை கண்டுபிடித்ததாக கூறப்படுகிறது. தான் குடிப்பதற்காக வைத்திருந்த வெந்நீரில் தேயிலைகள் எதேச்சையாக விழுந்ததால், அதன் சுவை அவருக்கு தெரியவந்துள்ளது.