வானியங்குடி பகுதியில் மூவருக்கு அரிவாள் வெட்டு. ஒருவர் பலி

சிவகங்கை அருகே வானியங்குடி கீழத்தெரு பகுதியை சேர்ந்தவர் மணிகண்டன். பைனான்ஸ் தொழில் செய்துவரும் இவர் வானியங்குடி கண்மாய்கரையில் அமர்ந்து தனது நண்பர்களான அருண்குமார், ஆதிராஜன் ஆகியோருடன் அமர்ந்து பேசிக்கொண்டிருந்துள்ளார். இந்நிலையில் அங்கு இரு சக்கர வாகனத்தில் வந்த மர்ம நபர்கள் அவர்களை சராமாரியாக அரிவாளால் வெட்டியுள்ளனர். இதில் மணிகண்டன் சம்பவ இடத்திலேயே உயிரிழந்த நிலையில் உடனிருந்த அருண்குமார், ஆதிராஜன் ஆகியோருக்கு பலத்த காயம் ஏற்பட்டது. இதனை கண்ட அப்பகுதி மக்கள் அவர்களை மீட்டு சிவகங்கை அரசு மருத்துவக்கல்லூரி மருத்துவமனைக்கு அனுப்பிவைத்தனர். அங்கு மணிகண்டனின் உடல் பிரேத பரிசோதனைக்காக வைக்கப்பட்டுள்ள நிலையில் மற்ற இருவருக்கும் தீவிர சிகிச்சையளிக்கப்பட்டு வருகிறது. இதனை அடுத்து சம்பவ இடத்திற்கு வந்த காவல்துறையினர் முன்பகையின் காரணமாக இந்த கொலை நடைபெற்றதா என்கிற கோணத்தில் விசாரனை மேற்கொண்டு வரும் நிலையில் சம்பவ இடத்திற்கு மாவட்ட காவல்துறை கண்காணிப்பாளர் டோங்க்ரே பிரவீன் உமேஷ் பார்வையிட்டார். இச் சம்பவம் இன்று இரவு சுமார் ஒன்பது மணி அளவில் பெரும் பரபரப்பை ஏற்படுத்தியுள்ளது.