பெரும்பச்சேரி கிராமத்தில் சிறுவன் துடிதுடித்து உயிரிழப்பு

சிவகங்கை மாவட்டம் இளையான்குடி அருகே பெரும்பச்சேரி கிராமத்தைச் சேர்ந்த சுரேஷ்குமார் என்பவரின் மகன் கார்த்திக் வயது 14 , இவர் கிராமத்தில் அமைந்துள்ள அங்கன்வாடி மையத்தின் அருகேயுள்ள மின்கம்பத்தின் கீழே நண்பர்களுடன் கார்த்தி பட்டாசு போட்டு விளையாடியதாகவும்
அப்போது மின்கம்பத்தில் இருந்து வயர் ஒன்று அறுந்து சிறுவன் மீது விழுந்ததில் சம்பவ இடத்திலேயே சிறுவன் உயிர் இழந்துள்ளார்,
பலமுறை இந்த மின் கம்பத்தை மாற்றக் கூடிய உதவி பொறியாளர் சிவக்குமாரிடம் இந்த பகுதி மக்கள் கோரிக்கை வைத்துள்ளனர், இது குறித்து ஊராட்சி ஒன்றிய கூட்டத்திலும் இப்பகுதி கவுன்சிலர் பலமுறை பதிவு செய்துள்ளனர்,
அதிகாரிகள் காதில் வாங்காத காரணத்தினால் தற்போது இந்த உயிர் பறிபோய் உள்ளது அது மட்டுமில்லாமல் இந்த கம்பம் நடப்பட்ட 52 ஆண்டுகளை கடந்து விட்டது இந்த கம்பத்தில் உள்ள அனைத்து கம்பிகளுமே மோசமான நிலையில் உள்ளது, எப்போது வேண்டுமானாலும் அறுந்து விழுந்து மிகப்பெரிய விபத்தை ஏற்படுத்தும் இதன் அருகேயுள்ள அங்கன்வாடி மையத்தில் சுமார் 20 மேற்பட்ட குழந்தைகள் படித்து வருகின்றனர், மறுபடியும் இதுபோன்று விபத்து ஏற்பட அதிக வாய்ப்பு உள்ளது என்று இப்போது மக்கள் மிகுந்த அச்சத்தில் உள்ளனர்.