சிவகங்கை: செல்வகணபதி திருக்கோயிலில் வருஷாபிஷேக விழா

சிவகங்கை நேரு பஜார் பகுதியில் அமைந்துள்ள பிரசித்தி பெற்ற ஸ்ரீ செல்வகணபதி திருக்கோயில் ஒன்பதாம் ஆண்டு வருஷாபிஷேக விழாவை முன்னிட்டு சிறப்பு அலங்கார ஆராதனைகள் நடைபெற்றது. இக்கோயிலில் விநாயகர் பெருமான் குழந்தை வரும் தரும் ஸ்ரீ செல்வகணபதி சுவாமியாக அருள் பாலித்து வருகிறார்.

விழாவில் மூலவர் கணபதி பெருமானுக்கு பல்வேறு நறுமண திரவியங்கள் கொண்டு சிறப்பு அபிஷேகங்கள் நடைபெற்றன. தொடர்ந்து சந்தன காப்பு சாற்றி வண்ண மலர் மாலைகள் அணிவித்து குழந்தை வரும் தரும் அலங்காரத்தில் அருள் பாலித்தார். பின்னர் சிறப்பு பூஜைகள் நடைபெற்று உதிரி புஷ்பங்களால் அர்ச்சனைகள் செய்யப்பட்டன. நிறைவாக பஞ்சமுக கற்பூர ஆராதனை காண்பிக்கப்பட்டது. இதில் ஏராளமான பக்தர்கள் கலந்து கொண்டு விநாயக பெருமானுக்கு அர்ச்சனைகள் வழிபட்டனர் பக்தர்களுக்கு பிரசாதம் வழங்கப்பட்டது.