இடங்கணசாலை நகராட்சியில் தூய்மையே சேவை விழிப்புணர்வு ஊர்வலம்

சேலம் மாவட்டம் இடங்கணசாலை நகராட்சி கே. கே. நகர் பகுதியில் தூய்மையே சேவை விழிப்புணர்வு ஊர்வலம் நடந்தது. இதனை நகராட்சி தலைவர் கமலக்கண்ணன் தொடங்கி வைத்தார். இதில் சுவாமி விவேகானந்தர் மெட்ரிக் மேல்நிலைப்பள்ளி மாணவர்கள் ஊர்வலமாக சென்று பொதுமக்களிடையே விழிப்புணர்வை ஏற்படுத்தினர்.
இந்த நிகழ்ச்சியில் நகரமன்ற துணை தலைவர் தளபதி, கவுன்சிலர்கள் வேலாயுதம், மகாலிங்கம், சிவக்குமார், இந்திராணி, வஜ்ரவேல், நதியா ராஜேந்திரன், பள்ளியின் தாளாளர் முருகேசன், துப்புரவு ஆய்வாளர் மற்றும் தூய்மை இந்தியா திட்ட பணியாளர்கள் கலந்து கொண்டனர். மேலும் கஞ்சமலையூர் பகுதியில் பொதுமக்களுக்கு குப்பை கழிவுகளை தரம் பிரித்து எப்படி வழங்க வேண்டும்? என்பது குறித்த விழிப்புணர்வு நிகழ்ச்சி நடைபெற்றது.