எடப்பாடி அருகே மர்ம விலங்கு கடித்து 4 ஆடுகள் சாவு

சேலம் மாவட்டம் எடப்பாடி ஒன்றியத்திற்குட்பட்ட மாக்கனூர் பகுதியை சேர்ந்தவர் பழனிசாமி. விவசாயியான இவர் கால்நடைகள் வளர்த்து வருகிறார். நேற்று முன்தினம் இரவு அவர் வீட்டின் அருகே கட்டப்பட்டிருந்த 4 செம்மறி ஆடுகளை மர்ம விலங்கு கடித்து குதறியது. இதில் 4 ஆடுகளும் செத்தன. இதை கண்டு அதிர்ச்சி அடைந்த பழனிசாமி, இதுகுறித்து பூலாம்பட்டி போலீசில் புகார் செய்தார். அதன் பேரில், போலீசார் மற்றும் கால்நடை மருத்துவ குழுவினர் விசாரணை நடத்தி வருகின்றனர். மர்ம விலங்கு கடித்து 4 ஆடுகள் இறந்த சம்பவத்தால் விவசாயிகள் அதிர்ச்சி அடைந்துள்ளனர்.