பந்து எடுக்க முயன்ற சிறுமி பள்ளத்தில் விழுந்து பலி

சென்னை திருவல்லிக்கேணியில் லிப்ட் அமைக்க தோண்டப்பட்ட 10 அடி ஆழ பள்ளத்தில் தேங்கிய தண்ணீரில் தவறி விழுந்து 8 வயது சிறுமி பரிதாபமாக உயிரிழந்துள்ளார். வனமாலி என்கிற சிறுமி பள்ளத்தில் விழுந்த பந்தை எடுக்க முயற்சித்தபோது, தவறி உள்ளே விழுந்துள்ளார். இதையடுத்து, அருகில் இருந்தவர்கள் சிறுமியை மீட்டு மருத்துவமனையில் அனுமதித்துள்ளனர். சிறுமியை பரிசோதித்த மருத்துவர் இறந்துவிட்டதாக தெரிவித்துள்ளார். இதைத்தொடர்ந்து வழக்குப்பதிவு செய்த போலீஸார் விசாரணை நடத்தி வருகின்றனர்.