ரோகித் ஷர்மா அவுட் - கவாஸ்கர் கருத்து

லண்டன் ஓவல் கிரிக்கெட் மைதானத்தில் நடைபெற்று வரும் டெஸ்ட் இறுதிப்போட்டியில் முதல் இன்னிங்ஸில் ஆஸ்திரேலிய அணி 469 ரன்களுக்கு ஆட்டம் இழந்தது. இதனை தொடர்ந்து விளையாடி வரும் இந்திய அணி இரண்டாம் நாள் முடிவில் 5 விக்கெட்டுகள் இழப்பிற்கு 155 ரன்கள் எடுத்துள்ளது. முதல் இன்னிங்ஸில் ரோகித், கில், புஜாரா, கோலி, ஜடேஜா ஆகியோர் விக்கெட் இழந்தனர். இது குறித்து சுனில் கவாஸ்கர், "கேப்டன் ரோகித் சர்மா சமீபத்திய ஐபிஎல் கிரிக்கெட்டில் சிறந்த முறையில் பேட் செய்யவில்லை. டெஸ்ட் சாம்பியன்ஷிப் இறுதிப் போட்டியில் அவர் விரைந்து அவுட்டான விதத்தில் எனக்கு ஆச்சரியம் இல்லை” என கருத்து தெரிவித்துள்ளார்.