ராஜ்கோட் தீ விபத்து - எஸ்ஐடி குழு தீவிர விசாரணை

குஜராத் மாநிலம் ராஜ்கோட்டில் நேற்று (மே 25) டிஆர்பி கேமிங் மண்டலத்தில் பயங்கர தீ விபத்து ஏற்பட்டது. இதில் 9 குழந்தைகள் உள்பட 27 பேர் உயிரிழந்தனர். இந்த நிலையில், இந்த விபத்து குறித்து விசாரணை நடத்த 5 பேர் கொண்ட எஸ்ஐடி குழுவை சிஐடி குற்றப்பிரிவு ஏடிஜிபி சுபாஷ் திரிவேதி நியமித்துள்ளார். இதன் ஒரு பகுதியாக அதிகாரிகள் நேற்று (மே 25) சம்பவ இடத்திற்குச் சென்று ஆய்வு செய்தனர். தொடர்ந்து, பல மாதிரிகளை கைப்பற்றி ஆய்வுக்காக எடுத்துச் சென்றனர்.