கிறிஸ் கெய்லின் மாபெரும் சாதனையை தகர்த்த பூரன்

டி20 உலகக்கோப்பை தொடரில் இன்று நடைபெற்ற சூப்பர் 8 சுற்று ஆட்டத்தில் வெஸ்ட் இண்டீஸ் - அமெரிக்கா அணிகள் மோதின. இந்த ஆட்டத்தில் முதலில் பேட்டிங் செய்த அமெரிக்கா 128 ரன்களில் ஆல் அவுட் ஆனது. இதனையடுத்து ஆடிய வெஸ்ட் இண்டீஸ் அணி, ஷாய் ஹோப் மற்றும் நிக்கோலஸ் பூரனின் அதிரடி ஆட்டத்தால் 10.5 ஓவர்களிலேயே இலக்கை கடந்து வெற்றி பெற்றது. மேலும் இந்த ஆட்டத்தில் இந்த ஆட்டத்தில் 12 பந்துகளை எதிர்கொண்ட பூரன் 3 சிக்சர்கள் உட்பட 27 ரன்கள் குவித்தார். இந்த ஆட்டத்தில் அவர் அடித்த 3 சிக்சர்களையும் சேர்த்து நடப்பு சீசனில் பூரன் அடித்துள்ள சிக்சர்களின் எண்ணிக்கை 17 ஆக உயர்ந்துள்ளது. இதனால் டி20 உலகக்கோப்பை போட்டிகளில் அதிக சிக்ஸர்கள் அடித்த கிறிஸ் கெயிலின் சாதனையை பூரன் முறியடித்துள்ளார்.