மோசமான வானிலை காரணமாக வானில் வட்டமடிக்கும் விமானங்கள்

சென்னையில் சூறைக் காற்றுடன் பெய்த பலத்த மழையால் சென்னை விமான நிலையத்தில் தரையிறங்க முடியாமல் விமானங்கள் வானில் வட்டமடித்து வருகின்றன. கொல்கத்தா, திருவனந்தபுரம், திருச்சி, மதுரை, புவனேஸ்வர், மும்பை, கோவை உள்பட 10 விமானங்கள் தரை இறங்க முடியாமல் நீண்ட நேரமாக வானில் வட்டமடித்தன. மேலும் 10 விமானங்கள் தாமதமாகப் புறப்பட்டுச் செல்லும் என அறிவிக்கப்பட்டுள்ளது. காற்று வேகம் குறைந்த பின் விமானங்கள் ஒன்றன்பின் ஒன்றாகத் தரை இறங்க அனுமதிக்கப்படும் என அறிவிக்கப்பட்டுள்ளது.