பள்ளியில் திடீர் ஆய்வு மேற்கொண்ட அமைச்சர்

நாகப்பட்டினம் மாவட்டம் வேதாரண்யம் தாலுக்கா தகட்டூரில் அரச மேல்நிலைப்பள்ளி அமைந்துள்ளது. இந்த பள்ளியில் கல்வித்துறை அமைச்சர் அன்பில் மகேஷ் பொய்யாமொழி திடீர் ஆய்வு மேற்கொண்டார்.

அப்போது பத்தாம் வகுப்பு மாணவர்களுக்கு பொதுத்தேர்வில் திறம்பட வெற்றி பெற வேண்டும் என அறிவுரைகளை வழங்கி பாடம் நடத்தினார்.

முன்னதாக பள்ளியில் உள்ள திருவள்ளுவர் சிலைக்கு மாலை அணிவித்து மரியாதை செலுத்தினார். இந்த நிகழ்ச்சியில் பள்ளியின் தலைமை ஆசிரியர் தானிய லட்சுமி உள்ளிட்ட ஆசிரியர்கள் பலர் உடன் இருந்தனர்.