மாரிமுத்து மறைவு - நடிகர் சூர்யா இரங்கல்

சின்னத்திரையில் 'எதிர்நீச்சல்' சீரியல் மூலம் மக்களிடம் மிகவும் பிரபலமடைந்த நடிகர் மாரிமுத்து மாரடைப்பால் இன்று காலமானார். டப்பிங் பணியின் போது மாரடைப்பால் உயிர் பிரிந்தது. இந்நிலையில், மறைந்த நடிகர் மாரிமுத்து மறைவுக்கு நடிகர் சூர்யா இரங்கல் தெரிவித்துள்ளார். இது குறித்து அவர் தனது ட்வீட்டர் பக்கத்தில், “நேருக்கு நேர் படத்தின்போது எனக்கு உறுதுணையாக இருந்த உதவி இயக்குநர்களில் மாரிமுத்துவும் ஒருவர். மிக அருமையாக பேசக்கூடியவர், எப்போதும் அவரை சுற்றியுள்ளவர்களை மகிழ்ச்சியாக வைத்துக்கொள்வார். அவரை மிகவும் மிஸ் செய்வேன். அவர் குடும்பத்தினருக்கும் நண்பர்களுக்கும் ஆழ்ந்த இரங்கல்கள்” என தெரிவித்துள்ளார்.