அதிகாரினா இப்படி குணமா இருக்கணும் - IAS ஐ பாராட்டிய முதியவர்

மதுரை மாவட்டத்தில் பெய்த மழை காரணமாக மதுரை மாநகராட்சிக்கு உட்பட்ட ஆழ்வார்புரம் வைகை ஆற்றுப்பகுதியில் மதுரை மாவட்டத்திற்கான சிறப்பு கண்காணிப்பு ஐஏஎஸ் அதிகாரியான அருண் தம்புராஜ் ஆழ்வார்புரம் பகுதியில் வைகையாற்றில் ஆய்வு மேற்கொண்டார்.

பின்னர் காரில் புறப்பட்டபோது அங்கு வந்த முதியவர் ஒருவர் ஐயா கொஞ்ச நேரம் வண்டியை நிறுத்துங்கள் என்றார்.

பெரியவரிடம் என்ன ஐயா சொல்லுங்கள் என சிரித்துக்கொண்டே முதியவரின் கோரிக்கையை கேட்டார் அப்போது முதியவர் தங்கள் பகுதியில் சாலைகள் பள்ளங்களாக இருப்பதாகவும் இது தொடர்பாக அதிகாரிகளிடம் பலமுறை கூறிவிட்ட போதும் அதிகாரிகள் கண்டு கொள்வதே இல்லை தன்னிடம் பேசுவது கூட இல்லை.


ஆனால் நீங்கள் நின்று சிரித்து சிரித்த முகத்தோடு பேசுகிறீர்கள், ரொம்ப மகிழ்ச்சியாக இருக்கிறது. நீங்கள் புதிதாக வந்த அதிகாரியா நீங்கள்தான் படித்து வந்த நல்ல அதிகாரி, நீங்கள் நல்லா இருக்கணும் இன்னும் டாப்ல வருவீங்க உங்கள மாதிரி தான் அதிகாரிகள் எல்லாம் இருக்கணும் மக்கள்ட நல்லா குணமா பேசனும் என ஐஏஎஸ் அதிகாரி அருண் தம்புராஜிடம் கூற அவரும் முதியோரின் கோரிக்கையை கனிவுடன் சிரித்துக்கொண்டே கேட்டார்

இந்த வீடியோ தற்போது சமூக வலைதளங்களில் வெளியாகியுள்ள நிலையில் ஐஏஎஸ் அதிகாரியான அருண் தம்புராஜுக்கு பல்வேறு தரப்பினரும் பாராட்டுக்களை தெரிவித்து வருகின்றனர்.