களியங்காடு சிவன் கோவிலில் தேய்பிறை அஷ்டமி சிறப்பு பூஜை.

கன்னியாகுமரி மாவட்டம் நாகர்கோவில் களியங்காடு சிவபுரம் சிவன் கோவிலில் அமைந்துள்ள கால பைரவர் சன்னதியில் ஐப்பசி மாத தேய்பிறை அஷ்டமியையொட்டி சிறப்பு பூஜை நேற்று நடந்தது. காலை 10. 30 மணிக்கு கால பைரவருக்கு அனைத்து வகை அபிஷேகங்கள் நடந்தன. பிறகு சிறப்பு அலங்காரத்தில் பக்தர்களுக்கு அருள் பாலித்தார். பின்னர் சிவபெருமானுக்கும், மீனாட்சி அம்மனுக்கும் பதிவு தீபாராதனை நிகழ்ச்சி நடைபெற்றது. அதனை தொடர்ந்து கோவிலுக்கு வந்த பக்தர்கள் அனைவருக்கும் அன்னதானம் வழங்கப்பட்டது. இதற்கான ஏற்பாடுகளை தலைவர் சின்னையன், செயலாளர் ராஜகோபால் ஆகியோர் செய்திருந்தனர்.