கூடுவாஞ்சேரியில் மாடியில் இருந்து குதித்து மாணவர் தற்கொலை

செங்கல்பட்டு மாவட்டம் வண்டலூர் அண்ணா உயிரியல் பூங்கா எதிரில் கிரசண்ட் கல்லூரி உள்ளது. திருச்சி மாவட்டம், கே.கே. நகர் பகுதியைச் சேர்ந்த முகமது உமர் (23) என்பவர் மூன்றாம் ஆண்டு மாணவர். கல்லூரி வளாகத்தில் உள்ள விடுதியில் ஐந்தாவது மாடியில் தங்கியுள்ளார். 

நேற்று (நவ.,5) அதிகாலை 4.00 மணி அளவில், மாடியிலிருந்து திடீரென முகமது உமர் கீழே குதித்துள்ளார். சத்தம் கேட்டு பாதுகாவலர் வந்து பார்த்தபோது மூச்சுப்பிடிப்பு இன்றி கிடந்துள்ளார். புகாரின்படி போலீசார் விரைந்து வந்து, முகமது உமரை மீட்டு, குரோம்பேட்டை அரசு மருத்துவமனைக்கு அனுப்பி வைத்தனர். அங்கு பரிசோதித்த டாக்டர்கள் ஏற்கனவே இறந்துவிட்டதாக தெரிவித்தனர். போலீசார் வழக்குப் பதிந்து விசாரிக்கின்றனர்.