ஜப்பானை வீழ்த்தி இறுதிப்போட்டிக்கு முன்னேறிய இந்தியா

8-வது பெண்கள் ஆசிய சாம்பியன்ஸ் கோப்பை ஆக்கி போட்டி பீகாரில் உள்ள ராஜ்கிர் நகரில் நடந்து வருகிறது. இந்நிலையில், இந்திய அணி இன்று (நவ 19) நடைபெற்ற 2-வது அரையிறுதி ஆட்டத்தில் ஜப்பானை எதிர்கொண்டது. இதில், 2-வது பாதி ஆட்டத்தில் இந்திய அணி 48 மற்றும் 56-வது நிமிடங்களில் கோல் அடித்து அசத்தியது. ஜப்பானால் பதில் கோல் திருப்ப முடியவில்லை. இதன் மூலம் இந்தியா 2-0 என்ற கோல் கணக்கில் ஜப்பானை வீழ்த்தி இறுதிப்போட்டிக்கு முன்னேறியுள்ளது.