மருத்துவமனையில் தீ விபத்து - 7 குழந்தைகள் பலி

டெல்லி விவேக் விஹார் பகுதியில் இயங்கி வந்த குழந்தைகள் நல மருத்துவமனையில் நேற்று (மே 25) நள்ளிரவு 12 மணியளவில் திடீரென தீ விபத்து ஏற்பட்டது. இந்த விபத்தில் மருத்துவமனையில் இருந்த 12 குழந்தைகள் மீட்கப்பட்ட நிலையில் 7 குழந்தைகள் பரிதாபமாக உயிரிழந்தன. தொடர்ந்து இதுகுறித்து தகவலறிந்து சம்பவ இடத்திற்கு விரைந்த தீயணைப்பு வீரர்கள் பல மணி நேரம் போராடி தீயை கட்டுக்குள் கொண்டு வந்தனர். மேலும், இந்த தீ விபத்துக்கான காரணம் குறித்து போலீசார் விசாரணை நடத்தி வருகின்றனர்.