40 சுங்கச் சாவடிகளில் கட்டணம் உயர்வு

தமிழகத்தில் 40 சுங்கச் சாவடிகளில் கட்டண உயர்வு இன்று (ஏப்ரல் 1) நள்ளிரவு முதல் அமலுக்கு வந்துள்ளது. இந்த குறிப்பிட்ட சுங்கச்சாவடிகளில் 5 முதல் 10 சதவீதம் வரை கட்டணத்தை உயர்த்தி வசூலிக்குமாறு தேசிய நெடுஞ்சாலை ஆணையம் உத்தரவிட்டிருந்தது. தமிழகத்தில் உள்ள 78 சுங்கச்சாவடிகளில் முதற்கட்டமாக 40 சுங்கச்சாவடிகளுக்கு இன்று நள்ளிரவு முதல் கட்டணம் உயர்த்தப்பட்டுள்ளது. பரனூர், வானகரம், சூரப்பட்டு, செங்கல்பட்டு, திண்டிவனம், ஆத்தூர் உள்ளிட்ட சுங்கச்சாவடிகளில் வாகனங்களுக்கு ஏற்ப கட்டணம் உயர்த்தப்பட்டுள்ளது.