திருமணத்திற்கு புறம்பான உடலுறவு குற்றமல்ல: உயர்நீதிமன்றம்

திருமணத்திற்குப் புறம்பான தொடர்பு வழக்கில் ராஜஸ்தான் உயர்நீதிமன்றம் பரபரப்பு தீர்ப்பு ஒன்றை வழங்கியுள்ளது. இரண்டு 18 வயது நிரம்பிய மேஜர்களுக்கு இடையே ஒருமித்த திருமணத்திற்குப் புறம்பான உடலுறவை குற்றமாக கருத முடியாது என்று அதில் கூறப்பட்டுள்ளது. தனது மனைவியை மூன்று பேர் கடத்திச் சென்றதாக ஒருவர் மனு தாக்கல் செய்திருந்தார். நீதிமன்றத்தில் ஆஜராகியிருந்த மனைவி, மூன்று ஆண்களில் ஒருவருடன் தான் பழகி வருவதாக கூறினார். ஆனால், திருமணத்துக்குப் புறம்பான உறவில் ஈடுபட்டதால், அவரைத் தண்டிக்க வேண்டும் என்று கணவரின் வழக்கறிஞர் நீதிமன்றத்தில் கேட்டபோது, ​​அவர் செய்ததை குற்றமாகக் கருத முடியாது என்று நீதிமன்றம் தீர்ப்பளித்தது.