ஈரோட்டில், மாநில அளவிலான தடகளப் போட்டி

ஈரோட்டில், மாநில அளவிலான தடகளப் போட்டி

ஈரோடு வ. உ. சி. , பூங்கா விளையாட்டு மைதானத்தில், பள்ளிக் கல்வித் துறையின் சார்பில் 65வது மாநில அளவிலான குடியரசு தின தடகள விளையாட்டு போட்டிகள் இன்று (நவ. 6) துவங்கியது. இப்போட்டிகளை ஈரோடு மாவட்ட கலெக்டர் ராஜகோபால் சுன்கரா தொடங்கி வைத்தார்.
மாநில அளவிலான இந்த தடகள விளையாட்டு போட்டிகளில் , அரசு மற்றும் அரசு உதவி பெறும் பள்ளிகளின் மாணவ, மாணவியர் பங்கேற்றுள்ளனர். இதில், ஓட்ட பந்தயம், நீளம் தாண்டுதல், குண்டுஎறிதல், உயரம் தாண்டுதல், ஈட்டி எறிதல் உள்ளிட்ட தடகள விளையாட்டுப் பிரிவுகளில் போட்டிகள் நடக்கின்றன. இதன்படி,
மாணவிகளுக்கு இன்று (நவ. 6) முதல் 8ம் தேதி வரையும் , மாணவர்களுக்கு 9ம்தேதி முதல், 11ம் தேதி வரையிலும் போட்டிகள் நடக்கிறது.
இன்று நடைபெற்ற இத்தொடக்கவிழா நிகழ்ச்சியில், ஈரோடு தொகுதி எம். பி. , பிரகாஷ், மொடக்குறிச்சி தொகுதி எம். எல். ஏ. , சரஸ்வதி, ஈரோடு மாநகராட்சி மேயர் நாகரத்தினம், ஈரோடு மாநகராட்சி ஆணையாளர் மனீஷ் உள்ளிட்டோர் கலந்து கொண்டனர்.