தாளவாடி அருகே புலி நடமாட்டம்

தாளவாடி அருகே புலி நடமாட்டம்


சத்தியமங்கலம் புலிகள் காப்பகத்தில் மொத்தம் 10 வனச்சரகங்கள் உள்ளன. இந்த வனச்சரகங்களுக்கு உள்பட்ட வனப்பகுதியில் புலி, சிறுத்தை, யானை, காட்டெருமை, கரடி, மான் உள்ளிட்ட வனவிலங்குகள் வசித்து வருகின்றன. வனவிலங்குகள் இரவு நேரங்களில் உணவு மற்றும் தண்ணீர் தேடி வனப்பகுதி சாலையை கடந்து செல்வது வழக்கம். இந்த நிலையில் நேற்று இரவு தாளவாடியை சேர்ந்தவர்கள் வாகனத்தில் சென்று கொண்டிருந்தனர். நெய்தாளபுரம் என்ற இடத்தில் வாகனத்தின் முன் அங்குள்ள வனச்சாலையை புலி ஒன்று கடக்க முயன்றது. வாகனத்தில் இருந்தவர்கள் புலியைப் பார்த்து பீதி அடைந்தனர். உடனே அவர்கள் வாகனத்தை நிறுத்திவிட்டு புலியை செல்போனில் படம் பிடித்தனர். பின்னர் சிறிது நேரத்தில் புலி அங்கிருந்து வனப்பகுதிக்குள் சென்று விட்டது.