திண்டுக்கல்: வாக்காளர் விழிப்புணர்வு நிகழ்ச்சி

திண்டுக்கல் எஸ். எஸ். எம். பொறியியல் மற்றும் தொழிற்நுட்பக் கல்லூரியில் இன்று(14. 11. 2024) கல்லூரி மாணவ, மாணவிகளுக்கான வாக்காளர் விழிப்புணர்வு நிகழ்ச்சியை மாவட்ட ஆட்சித்தலைவர் பூங்கொடி தலைமை வகித்து தொடங்கி வைத்தார்.

வாக்காளர் பட்டியலில் தகுதியான நபர்கள் பெயர் சேர்ப்பது தொடர்பாக விழிப்புணர்வு நிகழ்ச்சிகள் மாவட்டம் முழுவதும் மேற்கொள்ளப்பட்டு வருகிறது. அதன் ஒரு பகுதியாக இன்றையதினம் கல்லுாரி மாணவ, மாணவிகளிடையே விழிப்புணர்வு ஏற்படுத்தும் வகையில் இந்த விழிப்புணர்வு முகாம் மேற்கொள்ளப்படுகிறது. மாணவ, மாணவிகள் தங்கள் பெயர்களை வாக்காளர் பட்டியலில் சேர்ப்பதுடன், தங்கள் பகுதியில் வசிக்கும் தகுதியான நபர்களின் பெயர்களை வாக்காளர் பட்டியலில் சேர்க்கவும், சிறப்பு முகாம்கள் நடைபெறுவது குறித்தும் பொதுமக்களிடையே விழிப்புணர்வு ஏற்படுத்த வேண்டும், என மாவட்ட ஆட்சித்தலைவர் பூங்கொடி பேசினார்.

இந்நிகழ்ச்சியில், திண்டுக்கல்(மேற்கு) வட்டாட்சியர் ஜெயபிரகாஷ், ஆத்துார் வட்டாட்சியர் முத்துமுருகன், கல்லூரி முதல்வர் செந்தில்குமரன், கலை மற்றும் அறிவியல் கல்லுாரி முதல்வர் சம்பத்குமார், தேர்தல் வட்டாட்சியர் முத்துராமன், பேராசிரியர்கள், மாணவ, மாணவிகள் உட்பட பலர் கலந்துகொண்டனர்.