கர்ப்பமான நாய் உட்பட 3 தெருநாய்கள் அடித்தே கொலை

தெலுங்கானா: மேட்சல்-மல்காஜ்கிரி மாவட்டத்தில் தெரு நாய்களை 3 பேர் சேர்ந்து கொடூரமாக அடித்து கொலை செய்யும் வீடியோ இணையத்தில் வெளியாகி பெரும் அதிர்ச்சியை ஏற்படுத்தியுள்ளது. 4 தெரு நாய்களை வலைவீசி பிடித்த 3 பேர் கட்டையால் கொடூரமாக தாக்கியுள்ளனர். இதில் 3 நாய்கள் சம்பவ இடத்திலேயே உயிரிழந்த நிலையில், படுகாயமடைந்த நாய் ஒன்று தற்போது மருத்துவமனையில் அனுமதிக்கப்பட்டுள்ளது. கொல்லப்பட்ட 3 நாய்களில் ஒரு நாய் கர்ப்பமாக இருந்துள்ளது குறிப்பிடத்தக்க தகவல்.