திண்டுக்கல்: அரசு மருத்துவமனை முன்பு தர்ணா போராட்டம் பரபரப்பு

திண்டுக்கல் பாறைமேட்டு தெருவை சேர்ந்தவர் சங்கர் என்பவரிடம் தீபாவளி அன்று குடிப்பதற்காக பணம் கேட்டு வெங்கிடு மிரட்டி உள்ளார். தன்னிடம் பணம் இல்லை என்று கூறியதால் ஆத்திரமடைந்த ரவுடி வெங்கிடு சங்கரை சராமாரியாக தாக்கி உள்ளார். இதில் காயங்களுடன் உடல்நிலை பாதிக்கப்பட்டு திண்டுக்கல் அரசு மருத்துவக் கல்லூரி மருத்துவமனையில் சிகிச்சைக்காக சேர்த்துள்ளார். கடந்த நான்கு நாட்களாக அரசு மருத்துவக் கல்லூரி மருத்துவமனையில் சிகிச்சை பெற்று வந்த நிலையில் டீஸ்சார்ஜ் செய்து வீட்டுக்கு போகும்படி கூறியுள்ளனர்.

ஆனால் சங்கரின் மனைவி மற்றும் அவரது உறவினர்கள் அவருக்கு உடல்நிலை மிகவும் மோசமாக உள்ளதாகவும் தொடர்ந்து சிகிச்சை அளிக்க வேண்டும் என கூறியுள்ளனர். அதற்கு வெளி நோயாளியாக வந்து சிகிச்சை பெறுமாறு நிர்வாக தரப்பில் கூறப்பட்டுள்ளது. இதனால் மருத்துவமனையில் உள்ள அவசர சிகிச்சை பிரிவு முன்பு தரையில் அமர்ந்து தர்ணா போராட்டத்தில் ஈடுபட்டனர். சம்பவ இடத்திற்கு வந்த நகர் வடக்கு காவல் நிலைய போலீசார் தர்ணா போராட்டத்தில் ஈடுபட்டவர்களிடம் சமரச பேச்சுவார்த்தை நடத்தினர். தொடர்ந்து சங்கருக்கு உள்நோயாளியாக அனுமதித்து சிகிச்சை அளிக்க ஏற்பாடு செய்ததை அடுத்து போராட்டத்தை கைவிட்டனர்.

சங்கர் தரப்பில் தெற்கு காவல் நிலையத்தில் வெங்கிடு மீது புகார் அளித்தும் போலீசார் எவ்வித நடவடிக்கையும் எடுக்கவில்லை என்பது குறிப்பிடத்தக்கது.