பாப்பிரெட்டிப்பட்டி: கிரானைட் கற்கள் கடத்திய 2 பேர் கைது

தர்மபுரி மாவட்ட புவியியல் மற்றும் சுரங்கத்துறை உதவி புவியியலாளர் புவன மாணிக்கம் மற்றும் அலுவலர்கள் பாப்பிரெட்டிப்பட்டி அருகே சாமியாபுரம் கூட்ரோடு பகுதியில் நேற்று மாலை வாகன சோதனையில் ஈடுபட்டனர்.

அப்போது பாப்பிரெட்டிப்பட்டி, சாமியாபுரம் கூட்ரோட்டில் நிறுத்தி வைக்கப்பட்டிருந்த லாரியை சோதனை செய்தனர். அதில் அரசு அனுமதியின்றி பல வண்ணம் கொண்ட 11 கிரானைட் கற்கள் இருந்தது கண்டுபிடிக்கப்பட்டது. அவை திருட்டுத்தனமாக எடுத்துச் செல்வது தெரிய வந்தது. இதையடுத்து லாரி டிரைவர் தப்பி சென்றார்.

இது குறித்து உதவி புவியியலாளர் புவன மாணிக்கம் கொடுத்த புகாரின் பேரில் பாப்பிரெட்டிப்பட்டி காவலர்கள் வழக்குப்பதிவு செய்து காஞ்சீபுரத்தை சேர்ந்த லாரி டிரைவர் சுரேஷ் காளிப்பேட்டையைசேர்ந்த சுப்பிரமணி ஆகிய 2 பேரை காவலர்கள் கைது செய்தனர். மேலும் கடத்தலுக்கு பயன்படுத்திய லாரி பறிமுதல் செய்யப் பட்டது.