பொள்ளாச்சி, ஆனைமலையில் மக்கள் குறைதீர் கூட்டம்

கோவை மாவட்ட ஆட்சியர் கிராந்தி குமார் பாடி நேற்று(செப்.3) வெளியிடடிருக்கும் செய்திக்குறிப்பில், பொள்ளாச்சி அடுத்த ஆனைமலையில் வருகின்ற செப்டம்பர் 11ஆம் தேதி பொதுமக்கள் குறைதீர்க்கும் நாள் கூட்டம் நடைபெறும் என்று அறிவித்துள்ளார். இந்தக் கூட்டம் மாவட்ட ஆட்சியரின் தலைமையில் நடைபெறும் என்றும், இதில் பொதுமக்களின் குறைகள் கேட்டறியப்படும் என்றும் தெரிவிக்கப்பட்டுள்ளது. மேலும், இந்தக் கூட்டத்தின் வாயிலாக நலத்திட்ட பயனாளிகளுக்கு நலத்திட்ட உதவிகள் வழங்கப்பட உள்ளதாகவும் ஆட்சியர் குறிப்பிட்டுள்ளார். அதேசமயம், இன்று (செப்டம்பர் 4) பொள்ளாச்சி சார் ஆட்சியர் தனது அலுவலகத்தில் பொதுமக்களிடமிருந்து மனுக்களைப் பெற்றுக்கொள்வார் என்றும் இந்த அறிவிப்பில் தெரிவிக்கப்பட்டுள்ளது.