தேனாம்பேட்டை: நவ. 22, 23ம் தேதிகளில் கலைஞர் 100 வினாடி-வினா இறுதி போட்டி

தேனாம்பேட்டை அண்ணா அறிவாலயத்தில் உள்ள கலைஞர் அரங்கத்தில் நவம்பர் 22 & 23 ஆம் தேதிகளில் கலைஞர் 100 வினாடி வினா போட்டியின் அரையிறுதி மற்றும் இறுதிப் போட்டி நடைபெற உள்ளது. திமுக மகளிர் அணி மற்றும் கலைஞர் நூற்றாண்டைக் கொண்டாடும் வகையில், திராவிட இயக்க வரலாற்றையும் கொள்கைகளையும் அடுத்த தலைமுறைக்குக் கொண்டு செல்லும் வகையில் திமுக துணைப் பொதுச் செயலாளர் கனிமொழி கருணாநிதி முன்னெடுப்பில் நடைபெற உள்ளது. 

வினாடி வினா இறுதிப் போட்டியில், சிறப்பு விருந்தினராக திமுக தலைவரும், முதலமைச்சருமான மு.க. ஸ்டாலின் கலந்து கொள்ளவுள்ளார். இரு பிரிவுகளிலும் இறுதிச் சுற்றில் வெற்றிபெறும் அணிகளுக்கு தலா ரூ. 10 லட்சமும், 2ஆம் இடத்தைப் பிடிக்கும் அணிகளுக்கு தலா ரூ. 6 லட்சமும், 3ஆம் இடத்தைப் பிடிக்கும் அணிகளுக்கு தலா ரூ. 3 லட்சமும் ரொக்கப் பரிசாக வழங்கி கௌரவிக்கப்படவுள்ளது.