50%வரிப்பகிர்வை உறுதி செய்திட வேண்டும்: முதல்வர் வலியுறுத்தல்

மத்திய வருவாயில் மாநிலங்களுக்கான வரிப் பகிர்வின் பங்கு 50% உயர்த்தப்படுவதுதான் முறையானதாகவும், அனைவருக்கும் ஏற்புடையதாகவும் இருக்கும். இவ்வாறு 50% பங்கீடு வழங்கப்பட்டால் மட்டுமே மாநிலங்கள் தங்களுடைய தேவைகளுக்கேற்ப வளர்ச்சித் திட்டங்களை செயல்படுத்தி நிதி மேலாண்மையில் உரிய சுயாட்சியுடன் செயல்பட இயலும். எனவே, மாநில அரசுகளுக்கான 50% வரிப்பகிர்வை இந்த நிதிக்குழு உறுதி செய்திடும் என நம்புகிறேன் என்று முதல்வர் மு. க. ஸ்டாலின் கூறியுள்ளார்.

மத்திய அரசு 16-வது நிதி ஆணையத்தை அரவிந்த் பனகாரியா தலைமையில் அமைத்துள்ளது. ஆணையத்தின் உறுப்பினர்களாக அஜய் நாராயண் ஜா, ஆனி ஜார்ஜ் மேத்யூ, மனோஜ் பாண்டா, சவுமியா காந்தி கோஷ் ஆகியோர் உள்ளனர். இந்நிலையில், இந்த குழுவினர் நேற்று சென்னை வந்தனர். இன்று முதல்வர் மு. க. ஸ்டாலின், அமைச்சர்கள், அரசு உயர் அதிகாரிகளுடன் ஆலோசனை நடத்தினர்.

இந்தக் கூட்டத்தில் முதல்வர் பேசியதாவது, தமிழகத்தின் தற்போதைய மக்கள் தொகையின் சராசரி 36. 4 ஆண்டுகள். இது உ. பியின் சராசரி அளவைவிட 9. 5 ஆண்டுகள் அதிகம். 16-வது நிதிக்குழுவின் பரிந்துரைக் காலம் முடிவடையும்போது, தமிழகத்தின் சராசரி வயதானது 38. 5 ஆண்டுகளாக இருக்கும். அதன்படி நாட்டிலேயே வயதானவர்கள் அதிகம் உள்ள மாநிலமாக தமிழகம் உருவெடுக்கும் என்று முதல்வர் பேசினார்.