சென்னை: சுரங்கப்பாதை கட்டுமான பணி: போக்குவரத்து மாற்றம்
சென்னையில் கணேசபுரம் ரயில்வே சுரங்கப்பதை பகுதியில் மேம்பால கட்டுமானப் பணிகள் அனைத்தும் நடைபெற இருப்பதால் நவம்பர் 6-ந் தேதி அதாவது நாளை முதல் ஸ்டீபன்சன் சாலை சந்திப்பு முதல் கணேசபுரம் சுரங்கப்பாதை வரை உள்ள சாலை தற்காலிகமாக மூடப்படுகிறது. இது தொடர்பாக சென்னை பெருநகர போக்குவரத்து காவல் துறை சார்பில் வெளியிடப்பட்டுள்ள அறிக்கையில் கூறியிருப்பதாவது, ஒரு வாரத்திற்கு சோதனை அடிப்படையில் போக்குவரத்து மாற்றங்கள் மேம்பாலம் கட்டும் பணியினை கணேசபுரம் ரயில்வே சுரங்கப்பாதை பகுதியில் மேற்கொள்ள இருப்பதால் இந்த பணியின் காரணமாக பின்வரும் போக்குவரத்து மாற்றங்கள் பரிந்துரைக்கப்பட்டு நாளை முதல் ஒரு வாரத்திற்கு சோதனை அடிப்படையில் செயல்படுத்தப்பட இருக்கின்றன. கணேசபுரம் சுரங்கப்பாதை வரை தற்காலிகமாக மூடப்படும் தற்போதுள்ள ஒரு வழி போக்குவரத்தும், இதனையடுத்து பின்வரும் போக்குவரத்து மாற்றுப்பாதைகளும் நடைமுறைப்படுத்தப்படும். ஸ்டீபன்சன் சாலை சந்திப்பு முதல் கணேசபுரம் சுரங்கப்பாதை வரை தற்காலிகமாக மூடப்படும். புளியந்தோப்பு நோக்கி செல்லும் வாகனங்கள் ஸ்டீபன்சன் சாலை வழியாக செல்லும் அதேபோல் மேல்பட்டி பொன்னப்பன் தெருவில் இருந்து புளியந்தோப்பு நோக்கி செல்லும் வாகனங்கள் ஸ்டீபன்சன் சாலை வழியாக திருப்பி விடப்படும்.
