தமிழ்நாடு எல்லையை வந்தடைந்த காவிரி நீர்

கர்நாடகாவில் இருந்து திறந்து விடப்பட்ட காவிரி நீர், தமிழ்நாடு எல்லையான பிலிகுண்டுலு பகுதிக்கு வந்தடைந்தது. இதையடுத்து, காலை முதல் 4500 கன அடியாக இருந்த நீர்வரத்து, தற்போது 6 ஆயிரம் கன அடியாக அதிகரித்துள்ளது. காவிரி நீர்ப்பிடிப்பு பகுதிகளில் பெய்து வரும் தொடர் கனமழையால் கர்நாடகவின் கே.ஆர்.எஸ், கபினி அணைகளில் இருந்து காவிரியில் மொத்தம் 26,000 கன அடி நீர் வெளியேற்றப்படுவதால், வரும் நாட்களில் நீர்வரத்து அதிகரிக்கக் கூடும் என எதிர்பார்க்கப்படுகிறது.