24న విశాఖ మ్యూజియం ఉచిత సందర్శనకు అనుమతి

జీవీఎంసీ పరిధిలోగల విశాఖ మ్యూజియం సందర్శనకు ఈనెల 24న ఉచిత ప్రవేశం కల్పిస్తున్నట్లు జీవీఎంసీ అదనపు కమిషనర్ రమణమూర్తి గురువారం ఒక ప్రకటనలో తెలిపారు. వరల్డ్ హెరిటేజ్ వీక్ సందర్భాన్ని పురస్కరించుకొని ఈ అవకాశాన్ని కల్పిస్తున్నామన్నారు. ఉదయం 10: 30 గంటల నుంచి రాత్రి 8 గంటల వరకు సందర్శించవచ్చునని పేర్కొన్నారు. ఈ అవకాశాన్ని విద్యార్థులు వినియోగించుకోవాలని కోరారు.