సింహాద్రి అప్పన్నకు ఘనంగా స్వర్ణ పుష్పార్చన

సింహాచలం ఆలయంలో సింహాద్రి అప్పన్నకు గురువారం ఘనంగా స్వర్ణ పుష్పార్చన నిర్వహించారు. అర్చకులు వేకువజామున స్వామిని సుప్రభాత సేవతో మేల్కొల్పి ప్రాతఃకాల పూజలను సాంప్రదాయబద్దంగా నిర్వహించారు. శ్రీదేవి భూదేవి సమేతంగా గోవిందరాజు స్వామిని సర్వాంగ సుందరంగా అలంకరించి ఆలయ కళ్యాణ మండపం వేదికపై అధిష్టింప చేశారు. వేదమంత్రాలు నాదస్వర మంగళ వాయిద్యాల మధ్య 108 బంగారు సంపెంగలతో స్వర్ణ పుష్పార్చన పూజను నిర్వహించారు.