ఆసుపత్రి భవనాలు పరిశీలించిన ఎమ్మెల్యే

ఏపీ వైద్య విధాన పరిషత్ ఆధ్వర్యంలో మాడుగుల సామాజిక ఆరోగ్య కేంద్రం వద్ద నిర్మాణంలో నిలిచిపోయిన 30 పడకల ప్రభుత్వ ఆసుపత్రి నూతన భవన నిర్మాణాలను స్థానిక ఎమ్మెల్యే బండారు సత్యనారాయణమూర్తి గురువారం పరిశీలించారు. ఈ సందర్భంగా స్థానిక నాయకులు ఆసుపత్రి వైద్యులతో కలసి భవనమంతా పరిశీలన జరిపిన ఆయన ఇందుకు గల కారణాలపై విశ్లేషించారు. నాగార్జున కన్స్ట్రక్షన్ కంపెనీకి చెందిన కాంట్రాక్టర్ నిర్లక్ష్యం ఇందుకు కారణమన్నారు.