మందస: డాగ్ స్క్వాడ్ జాగిలాలతో పోలీసులు తనిఖీలు

జిల్లా ఎస్పీ కె. వి. మహేశ్వరరెడ్డి ఆదేశాల మేరకు మందస పోలీసులు డాగ్ స్క్వాడ్ జాగిలాలతో గురువారం మందస మండలంలో పలుచోట్ల విస్తృత ఆకస్మిక తనిఖీలు నిర్వహించారు. మందస పోలీస్ స్టేషన్ పరిధిలోని మందస రైల్వే స్టేషన్, హరిపురం, అంబుగాం, దాబా హోటల్లు తదితర అనుమానాస్పద స్థలాల్లో తనిఖీలు నిర్వహించడం జరిగింది. నిషేధిత పదార్థాలు, గంజాయి రవాణా, విక్రయాలు లేకుండా పటిష్టమైన చర్యలు చేపడుతున్నట్లు పోలీసులు తెలిపారు.