సరుబుజ్జిలి: ఇసుక పోగులను సీజ్

సరుబుజ్జిలి మండలంలోని పాలవలస సమీపంలో సాయినగర్ రియల్ ఎస్టేట్ ప్రాంతంలో ఉన్న ఇసుక నిల్వల పై సోమవారం అధికారులు దాడులు నిర్వహించారు. తహశీల్దార్ ఎల్ మధుసూదన్, ఎస్ఐ టి. రాజేష్, రెవెన్యూ సిబ్బంది, పోలీసులు పాల్గొన్న ఈ దాడుల్లో అక్రమంగా భారీగా నిల్వ చేసిన ఇసుక పోగులను గుర్తించారు. మూడు ఇసుక పోగులను, ఇసుక లోడుతో ఉన్న లారీని సీజ్ చేసి స్వాధీనం చేసుకున్నట్లు తహశీల్దార్ తెలిపారు.