చంద్రగిరిలో దుర్గాదేవి అలంకరణలో మహేశ్వరి దేవి అమ్మవారు

పెనుకొండ మండలం చంద్రగిరి గ్రామంలో వెలసిన శ్రీగిరి మహేశ్వరి శక్తిపీఠంలో దేవి శరన్నవరాత్రి ఉత్సవాలు ఘనంగా జరుగుతున్నాయి. 8వ రోజు గురువారం మహేశ్వరి అమ్మవారిని దుర్గాదేవి అలంకరణలో అలంకరించి విశేష పూజలు నిర్వహించారు. శ్రీగిరి శక్తి పీఠాధిపతి దేవేంద్ర స్వామి మహేశ్వరి దేవి అమ్మవారిని దుర్గాదేవి రూపంలో అలంకరించి భక్తులకు దర్శన భాగ్యం కల్పించారు. భక్తులు అమ్మవారిని దర్శించుకుని మొక్కులు తీర్చుకున్నారు.