చంద్రగిరిలో రాజరాజేశ్వరి అలంకరణలో మహేశ్వరి దేవి దర్శనం

పెనుకొండ మండలం చంద్రగిరిలో శ్రీగిరి శక్తి పీఠంలో వెలసిన మహేశ్వరి దేవి శుక్రవారం శ్రీ రాజరాజేశ్వరి అలంకరణలో దర్శనం ఇచ్చారు. శ్రీగిరి పీఠాధిపతి దేవేంద్ర స్వామి శరన్నవరాత్రుల్లో భాగంగా 9వ రోజు మహేశ్వరి దేవి అమ్మవారిని రాజరాజేశ్వరి రూపంలో అలంకరించి భక్తులకు దర్శనం కల్పించారు. అమ్మవారికి విశేష పూజలు నిర్వహించినట్లు దేవేంద్ర స్వామి తెలిపారు. భక్తులు అమ్మవారిని దర్శించుకుని తీర్థ ప్రసాదాలు స్వీకరించారు.