బుల్లసముద్రం గ్రామ ప్రజల నీటి కొరత తీర్చిన ఎమ్మెల్యే

మడకశిర నియోజకవర్గం, బుల్లసముద్రం గ్రామ ప్రజలు నీటి సమస్యతో గత కొన్ని సంవత్సరాలుగా బాధపడుతున్నారు. ఎన్నికల ప్రచారం కార్యక్రమంలో మడకశిర శాసనసభ్యులు గ్రామానికి నీటి సమస్య తీరుస్తానని మాట ఇచ్చారు. అదే ప్రకారంగా శనివారం బుల్లసముద్రం గ్రామంలో బోరు వేయించారు. ఈ సందర్భంగా గ్రామస్తులు ఎమ్మెల్యేకు కృతజ్ఞతలు తెలిపారు. ఈ కార్యక్రమం లో మాజీ ఎమ్మెల్సీ గుండుమల తిప్పేస్వామి, తదితరులు పాల్గొన్నారు.