ధర్మవరం నుంచి జాతీయ స్థాయి కబడ్డీ పోటీలకు ఎంపిక

ఇటీవల రాయచోటిలో జరిగిన 68వ ఎస్జిఎఫ్ రాష్ట్ర స్థాయి బాలబాలికల పోటీలలో అనంతపురం జిల్లా నుంచి మంచి ప్రదర్శన కనబర్చిన క్రీడాకారులను జాతీయ స్థాయి పోటీలకి ఎంపిక చేశారు. అందులో భాగంగా ధర్మవరం పట్టణానికి చెందిన బి. నవ్య, బాలుర విభాగంలో గోట్లూరు గ్రామానికి చెందిన పవన్ ఎంపికైనట్లు కబడ్డీ కోచ్ పృథ్వి సోమవారం తెలిపారు. ఎంపికైన క్రీడాకారులు మధ్యప్రదేశ్ లో నవంబర్ 16 నుంచి 20 వరకు జరిగే జాతీయ స్థాయి పోటీలలో పాల్గొంటారు.