అనంతపురంలో కన్న తండ్రిపై కుమారుడు దాడి

అనంతపురం నగరం బళ్లారి బైపాస్ లో నివాసముండే రవీంద్రారెడ్డిపై తనయుడు కృష్ణారెడ్డి శనివారం రోకలి బండతో దాడి చేసి గాయపరిచాడు. అపస్మారక స్థితిలో పడి ఉన్న రవీంద్రారెడ్డిని గమనించిన కుటుంబ సభ్యులు ప్రభుత్వ ఆసుపత్రికి తరలించారు. ప్రస్తుతం అతని పరిస్థితి విషమంగా ఉందని వైద్యులు తెలిపారు. కుటుంబ కలహాల కారణంగా తండ్రిపై దాడి చేసినట్లు సమాచారం. ఈ ఘటనపై పోలీసులు దర్యాప్తు చేస్తున్నారు.