సింగరాయకొండ: రోడ్డు ప్రమాదంలో ఒకరికి తీవ్ర గాయాలు

ప్రకాశం జిల్లా సింగరాయకొండ పాకాల సమీపంలోని జాతీయ రహదారిపై మంగళవారం రెండు ద్విచక్ర వాహనాలు ఢీకొన్న సంఘటన జరిగింది. ఈ ఘటనలో ఒకరికి తీవ్ర గాయాలయ్యాయి. గాయపడ్డ వ్యక్తిని 108 అంబులెన్స్ లో ఒంగోలు రిమ్స్ ఆసుపత్రికి తరలించారు. క్షతగాత్రుడు సింగరాయకొండకు చెందిన మొహిద్దిన్ బాషాగా గుర్తించారు. రోడ్డు ప్రమాదం పై పోలీసులు కేసు నమోదు చేసి దర్యాప్తు చేస్తున్నారు.