రహదారులపై గోవులను వదిలేస్తే చర్యలు

ప్రకాశం జిల్లా కంభం పట్టణంలో రహదారులపై గోవులను వదిలేస్తే చర్యలు తీసుకుంటామని ఎస్సై నరసింహారావు ఓ ప్రకటన ద్వారా తెలిపారు. ఆవుల యజమానులు వాటిని కట్టేసుకోవాలని సూచించారు. రహదారులపై వదిలేయడంతో రోడ్డు ప్రమాదాలు జరుగుతున్నాయని చెప్పారు. యజమానులు గోవులను రోడ్ల పైకి రాకుండా చర్యలు తీసుకోకపోతే వాటిని గోశాలకు లేదా వేరే సుదూర ప్రాంతాలకు తరలిస్తామని హెచ్చరించారు.