కురుపాం: చినమేరంగి సీఐగా తిరుపతి రావు బాధ్యతలు

కురుపాం నియోజకవర్గం చినమేరంగి సీఐగా టీవీ తిరుపతిరావు బాధ్యతలను గురువారం స్వీకరించారు. గతంలో విశాఖ జిల్లా ఆనందపురం సీఐగా పనిచేస్తూ బదిలీపై ఇక్కడికి వచ్చారు. ఈ సందర్భంగా ఆయన మాట్లాడుతూ చినమేరంగి సర్కిల్ పరిధిలో ప్రజలు, ప్రజాప్రతినిధులు, మీడియా ప్రతినిధులు సహకారంతో శాంతిభద్రతలకు విఘాతం కలగకుండా ఫ్రెండ్లీ పోలీసుగా ఉంటామన్నారు. అక్రమంగా గంజాయి, నాటుసారా, మద్యం అమ్మినా, తరలించినా కఠిన చర్యలు తీసుకుంటామన్నారు.